გამოყენების წესები
სერვისი
AllAutoParts.ge ავტონაწილების ფასების აგრეგატორია: ვაჩვენებთ საქართველოს მაღაზიებისა და კერძო გამყიდველების შეთავაზებებს. ნაწილებს არ ვყიდით და გარიგებაში მონაწილეობას არ ვიღებთ.
ფასები და ინფორმაცია
ფასები, მარაგი და თავსებადობა ავტომატურად გროვდება გამყიდველების საიტებიდან და შეიძლება შეიცვალოს. საეჭვო ფასებს ვამოწმებთ, თუმცა ყიდვამდე ინფორმაცია გამყიდველთან გადაამოწმე.
განცხადების დამატება
- მხოლოდ ავტონაწილები (ორიგინალი ან ანალოგი); აქსესუარები, სერვისები და მთლიანი მანქანის დაშლის რეკლამა არ მიიღება.
- აუცილებელია მარკა, მოდელი და წლები — თავსებადობის გარეშე განცხადება არ ქვეყნდება.
- განცხადება ქვეყნდება მოდერაციის შემდეგ და ავტომატურად იხსნება ვადის გასვლისას; მცდარ ან შეურაცხმყოფელ განცხადებას ვშლით.
ფასიანი მომსახურება და გადახდა
- ფასიანია მხოლოდ განცხადების განთავსება ლიმიტს ზემოთ, მისი განახლება და განცხადებების პაკეტები. მოქმედი ფასები და ვადები ჩანს კაბინეტში („ბალანსი და პაკეტები“) და განცხადების დამატებისას — გადახდამდე.
- ბალანსის შევსება და პაკეტის ყიდვა ხდება საბანკო ბარათით ბანკის (საქართველოს ბანკი / თიბისი) დაცულ გვერდზე. ბარათის მონაცემებს AllAutoParts.ge ვერ ხედავს და არ ინახავს.
- თანხა ბალანსზე ჩაირიცხება ბანკის დადასტურებისთანავე. მომსახურება ციფრულია — მიწოდება არ საჭიროებს ფიზიკურ გადაზიდვას და ხდება მაშინვე, ელექტრონულად.
თანხის დაბრუნება
- ბალანსზე დარჩენილი (გამოუყენებელი) თანხა შეგიძლია მოითხოვო 14 დღის განმავლობაში გადახდიდან — ბრუნდება იმავე ბარათზე.
- თუ მოდერაციამ განცხადება უარყო, ან წაშალე გამოქვეყნებამდე, მისი საფასური ავტომატურად ბრუნდება ბალანსზე.
- უკვე გამოყენებული მომსახურების (გამოქვეყნებული / განახლებული განცხადება, გამოყენებული კრედიტი) საფასური არ ბრუნდება.
- ორმაგი ან შეცდომით ჩამოჭრილი თანხა ბრუნდება სრულად — დაგვიკავშირდი გადახდის ნომრით (AP…).
პასუხისმგებლობა
არ ვაგებთ პასუხს ნაწილის ხარისხზე, გამყიდველის ქმედებებზე ან გამყიდველსა და მყიდველს შორის გარიგებაზე.