კონფიდენციალურობის პოლიტიკა

ბოლო განახლება: 2026 წლის ოქტომბერი.

რას ვაგროვებთ

ნაწილის ძებნა და დათვალიერება — ანგარიში საჭირო არ არის; რეკლამის ან ანალიტიკის „ქუქიებს“ არ ვიყენებთ.
შენი მანქანა (მარკა, მოდელი, წელი, ძრავი) ინახება მხოლოდ შენს ბრაუზერში (localStorage), რომ შემდეგ ვიზიტზე ხელახლა არ აირჩიო. ჩვენს სერვერზე არ იგზავნება, ძებნის გარდა.
VIN კოდი, თუ შეიყვან, მანქანის განსაზღვრისთვის გამოიყენება; გაშიფრული შედეგი დროებით ინახება ქეშში.
ნაწილის დამატებისას ვინახავთ იმას, რასაც ფორმაში წერ (ნაწილი, ფასი, სახელი, ტელეფონი) და IP მისამართს — მხოლოდ სპამისა და ბოროტად გამოყენებისგან დასაცავად. ტელეფონი განცხადებაზე ჩანს მყიდველებისთვის.
შეფასება და შეტყობინება („არასწორი პროდუქტი“) ანონიმურია: ბრაუზერი ინახავს შემთხვევით იდენტიფიკატორს (localStorage), რომ ერთმა ადამიანმა ერთი ნაწილი ერთხელ შეაფასოს. სერვერზე ინახება მხოლოდ მისი და IP მისამართის დაშიფრული ანაბეჭდი (HMAC) — თავად IP არა; კომენტარს მხოლოდ ადმინისტრატორი ხედავს.
ანგარიში — ვინახავთ მობილურის ნომერს (დასტურდება SMS კოდით), სახელს და, კომპანიის შემთხვევაში, მის დასახელებასა და საიდენტიფიკაციო კოდს. ნომერი ჩანს შენს განცხადებებში; სხვა მიზნით (რეკლამა, გაზიარება) არ ვიყენებთ. SMS კოდები ინახება მხოლოდ დაშიფრული ანაბეჭდის სახით და 5 წუთში უქმდება. შესვლისას ბრაუზერში ინახება სესიის ქუქი (მხოლოდ შესვლისთვის).
ფასის შეტყობინება (ანგარიშის გარეშე) — ვინახავთ ელფოსტას და ნაწილს, რომელსაც აკვირდები. შეტყობინება იწყება მხოლოდ მას შემდეგ, რაც წერილში ბმულით დაადასტურებ; ნაწილზე მაქსიმუმ 1 წერილი 12 საათში. ყველა წერილში არის გამოწერის გაუქმების ბმული — გაუქმებისას ჩანაწერი იშლება.
პოზიციის შეტყობინება (გამყიდველები) — ელფოსტა, რომელსაც კაბინეტში მიუთითებ, გამოიყენება მხოლოდ ამ შეტყობინებებისთვის; ჩართვა / გამორთვა კაბინეტიდან ან წერილის ბმულით. წერილის ერთჯერადი ბმული ფასს ცვლის მხოლოდ შენი დადასტურების შემდეგ და 48 საათში უქმდება.
განცხადების ფოტო შეიძლება ავტომატურად შემოწმდეს გარე სერვისით (Google Gemini ან Sightengine) — არის თუ არა ფოტოზე ავტონაწილი / მანქანა და არ შეიცავს თუ არა შეუსაბამო შიგთავსს. იგზავნება მხოლოდ ფოტო (შემცირებული), შენი სახელი და ნომერი — არა. საბოლოო გადაწყვეტილებას ადმინისტრატორი იღებს.
გადახდა — ბარათით გადახდა ხდება ბანკის (საქართველოს ბანკი / თიბისი) გვერდზე; ჩვენ ვინახავთ მხოლოდ გადახდის ნომერს, თანხას, სტატუსს და ბანკის ტრანზაქციის იდენტიფიკატორს. ბარათის ნომერი და CVV ჩვენთან არ შემოდის.
ჩემი მანქანები და შენახული ნაწილები — ანგარიშით შესულს ინახება სერვერზე (საიტი + აპი); ანგარიშის გარეშე — მხოლოდ შენს მოწყობილობაზე.
მაღაზია — სახელი, აღწერა, ლოგო, მისამართი, სამუშაო საათები, ბმულები და სერვისები, რასაც შენ მიუთითებ, საჯაროა; ტელეფონი ჩანს მხოლოდ ღილაკზე დაჭერით. კომპანიის საიდენტიფიკაციო კოდით შემოსავლების სამსახურის საჯარო სერვისიდან ვიღებთ მხოლოდ კომპანიის სახელს (ადმინისტრატორისთვის).
აუქციონის ანალიზი — ლოტის ბმული და ფოტოები იგზავნება Google Gemini-ში დაზიანების შესაფასებლად; შედეგი ინახება შენს ანგარიშზე. Chrome-ის გაფართოება და აპი ლოტს შენს მოწყობილობაზე კითხულობს.
აპი და გაფართოება — შესვლის ნიშანი (ჩვენთან მხოლოდ მისი დაშიფრული ანაბეჭდი) და, თუ ჩართავ, push-შეტყობინებების მისამართი (Expo). გასვლისას ან პაროლის შეცვლისას უქმდება.
ძებნის სტატისტიკა — რას ეძებენ ხშირად, ვითვლით ანონიმურად (ქსელის დაშიფრული ანაბეჭდით, საათში ერთხელ), რომ მაღაზიების ფასები ჯერ ამ ნაწილებზე განვაახლოთ. ტელეფონის ჩვენების ღილაკზე დაჭერებს მაღაზიისთვის ვითვლით რაოდენობით.

მესამე მხარეები

შეთავაზებები და ფოტოები მაღაზიების საიტებიდან მოდის; მათზე გადასვლისას მოქმედებს ამ საიტების წესები. ბმულებზე გადასვლისას ჩვენი გვერდის მისამართს არ ვაგზავნით (no-referrer).
გადახდებს ამუშავებს საქართველოს ბანკი ან თიბისი ბანკი — მათ გვერდზე მოქმედებს ბანკის წესები.
ფოტოების შემოწმება და აუქციონის ანალიზი — Google Gemini; აპის შეტყობინებები — Expo. შრიფტები და სკრიპტები ჩვენი სერვერიდან იტვირთება.
თუ საიტზე რეკლამა ჩანს, სარეკლამო ქსელმა (Google AdSense) შეიძლება საკუთარი „ქუქიები“ გამოიყენოს — მისი წესებით.

შენი უფლებები

განცხადების შეცვლა ან წაშლა შეგიძლია ნებისმიერ დროს შენს კაბინეტში. ანგარიშს თავად წაშლი: კაბინეტი → პროფილი → „ანგარიშის წაშლა“ (აპშიც) — წაიშლება განცხადებები, ფოტოები, მაღაზია, შენახული ნაწილები და მანქანები, ნომერი, სახელი და ელფოსტა; გადახდების ჩანაწერები კანონით ინახება, შენი სახელის გარეშე. შენი მონაცემების ასლის ან გასწორების მოთხოვნა — ქვემოთ მითითებულ მისამართზე. ბრაუზერში შენახული მანქანა იშლება ღილაკით „✕ გასუფთავება“.